Mae Sir Gâr yn hawlio'i lle fel 'cyrchfan fwyaf clyd Cymru' y gaeaf hwn, lle mae hud y gaeaf i'w weld ym mhob rhan o'r sir.
O fythynnod cefn gwlad clyd, i ystafelloedd te cynnes, mae Sir Gâr yn fan perffaith i gael Cwtsh, gair sydd wedi'i wreiddio yn niwylliant Cymru.
Dewch i ymweld â ni a chrwydro rhai o ardaloedd mwyaf clyd Sir Gâr yn ystod y gaeaf.
Mae ein canllaw Cwtsho lan yn Sir Gâr yn rhoi syniadau ar gyfer sut i drefnu gwyliau perffaith dros y gaeaf lle cewch brofiadau i lonni'r galon, mwynhau golygfeydd trawiadol ac anturiaethau yn yr awyr agored, ac i ddilyn, bwyd blasus wrth dân agored.
Felly gwisgwch eich dillad cynnes y gaeaf hwn a mwynhau cwtsh.
Pryd o fwyd
Lle perffaith i gael pryd o fwyd yw the Inn at the Sticks, Llansteffan, Bwyty Lleol Gorau yng Nghymru Good Food Guide 2024. Mae newydd gael ei adnewyddu hefyd. Wedyn, ewch i Landeilo i ymweld â yn Flows Stryd y Farchnad, becws Pitchfork & Provision a Wrights gerllaw yn Llanarthne. Awydd diod dwym? Gallwch ddysgu sut i wneud coffi yng nghwrs Academi Coaltown yn Rhydaman.
Trît
Mae pawb yn mwynhau blancedi gwlân Cymreig - ewch draw i Amgueddfa Wlân Cymru, Drefach Felindre, i ddysgu sut y caiff blancedi eu gwneud a phrynu un. Beth am roi cynnig ar ddysgu crefft newydd y gaeaf hwn? Ymhlith yr opsiynau y mae cwrs crochenwaith yn Siramik, ger Alltwalis, sydd hefyd yn cynnig gwely a brecwast mewn ysgubor gerrig dawel a chlyd sydd wedi'i haddasu. Fel arall dysgwch sut i wehyddu mat gwŷdd pegiau gyda Drefach Fibre Flock, y ffordd berffaith o sicrhau bod gyda chi le cynnes i eistedd wrth fynd am dro yn y gaeaf.
Cadw'n gynnes y gaeaf hwn
Beth am brofi bwrlwm ein bro unwaith eto ar wyliau bach cwtshlyd, gan fwynhau awyr agored gwych Sir Gâr? Neidiwch ar eich beic a chael gwefr wrth grwydro ar hyd ein hewlydd. Mae gan y sir ddewis enfawr o lwybrau ar gyfer pob gallu yn ogystal â rhai opsiynau heb geir sy'n berffaith ar gyfer teuluoedd ac mae mapiau hawdd i'w defnyddio ar gael i'w lawrlwytho yma. Arhoswch yn y Forest Arms, Brechfa, lle mae modd llogi e-feiciau. Mae'r dafarn hefyd newydd adnewyddu ei holl ystafelloedd ac mae'n cysgu hyd at saith o bobl. Yn ogystal, mae cyfleusterau storio beiciau yno.
Gwylio bywyd gwyllt
Ewch i wylio bywyd gwyllt rhyfeddol. O Ganolfan Adar Ysglyfaethus Prydain yng Ngardd Fotaneg Genedlaethol Cymru, Llanarthne, gallwch fynd ar Daith Gerdded Coetir Breifat gyda thylluan neu hebog neu hedfan tri aderyn ysglyfaethus mwyaf y DU. Arhoswch yng Ngwesty Gwledig Tŷ Mawr ym Mrechfa, neu ewch am dro i’r Orsaf Fwydo Barcudiaid Coch, Llanddeusant, i weld adar hardd ac arddangosfeydd hedfan anhygoel.
Anturiaethau anifeiliaid anwes
Ewch â'ch ci gyda chi ar eich gwyliau ac osgoi talu am gynelau. Mae ystafelloedd yn Caban ger traeth ysblennydd Pentywyn, sy'n saith milltir o hyd, yn costio llai na £100 y noson. Mae Llwybr Arfordir Cymru ar garreg eich drws hefyd. Tra bod eich ci yn cysgu, ewch i’r Amgueddfa Cyflymder newydd.
Dysgu wrth gerdded
Ewch am dro i weld y tirweddau gan fwynhau'r arfordir, coedwig, bryniau a'r wlad a bwydo’r meddwl ar yr un pryd. Er enghraifft, ewch i ddysgu am Feddygon Myddfai a chwedl Morwyn y Llyn. Ewch am dro i Lyn y Fan Fach, lle daeth y Forwyn o'r Llyn. Beth am brynu balmau ag arogl cennin pedr neu fomiau bath yng Nghwmni Masnachu Myddfai, Llanymddyfri. Gallwch wedyn gysgu mewn gwely pedwar postyn yng Ngwesty'r Castell. Neu ewch i Langadog am bryd o sylwedd yn Y Castell ar ei newydd wedd; bydd yr ystafelloedd yno’n agor yn fuan hefyd.
Gwirodydd gwych
Beth am gael diod mewn tafarn glyd gan flasu diodydd megis Whisgi Penderyn, seidr Coles Carmarthen Gold neu gwrw crefft Amman Eagle. Arhoswch yng Ngwesty Browns Hotel, hoff le Dylan Thomas i gael ambell i ddiod, browns.wales yn Nhalacharn sydd hefyd â bwyty newydd i'r teulu sef Tŷ Glo. Neu ewch i'r bar gwin a tapas sydd newydd ei agor The Globe. Fel arall, ewch i Dylan Coastal Resort i fwynhau twba twym, sba a golygfeydd ysblennydd.
Gwylio'r sêr
Ewch i aros mewn ardal anghysbell y gaeaf hwn. Arhoswch ym mwthyn moethus dwy ystafell wely Cambrian Escapes, Glan-yr-afon, ger Llanymddyfri, a syllu ar y sêr o dwba twym. Archebwch ymlaen llaw ar gyfer pryd o fwyd wedi'i goginio ar dân mewn Noson Asado yn y Plough Felingwm. Ymunwch â Thaith Gerdded Lleuad Lawn wrth i chi gael eich tywys o amgylch bryngaer o'r Oes Haearn, ac yna aros yn Hafan neu Derwen, cabanau anghysbell ar fferm laeth ar gyrion parc cenedlaethol Bannau Brycheiniog.
Cwtsh Gwlanog
Dewch i ddysgu am wlân Cymreig cynnes a chwtshlyd ar benwythnos arbennig. Gallwch archebu lle ar gwrs undydd Gwehyddu a Cherdded Lisa o Quiet Walks, gallwch fod yn greadigol a dysgu sut i blethu cnu crai yn fat defnyddiol. Ffansi ffeltio? Mae'r artist tecstilau Jane Evans yn cynnig Gweithdai Ffeltio Gwlyb am ddiwrnod cyfan ger Llanymddyfri. Dysgu sgil newydd, ymlacio gyda ffrindiau, a mynd adref gyda darn hardd o waith rydych wedi'i greu eich hun. Mae mwy o ddigwyddiadau nyddu gwlân, lliwio planhigion, gwehyddu a phrofiadau gwau â llaw ar gael mewn gwahanol leoliadau gyda Nellie and Eve. Llefydd gwych eraill i ddod o hyd i wlân Cymreig and nwyddau wlân Cymreig yw Bumble Bees of Llandovery, The Welsh wool shop, Castellnewydd Emlyn a siopau Davies & Co.