Diwrnod Cenedlaethol y Lluoedd Arfog Cymru 2026
Diwrnod Cenedlaethol y Lluoedd Arfog Cymru 2026
Mae Diwrnod y Lluoedd Arfog yn cael ei ddathlu bob blwyddyn mewn rhanbarth gwahanol o Gymru, gan ddod â chymunedau at ei gilydd i gydnabod a diolch i'n Lluoedd Arfog. Mae’r digwyddiad yn cael ei gynnal mewn partneriaeth ag awdurdodau lleol, Llywodraeth Cymru, y tri gwasanaeth, ac amryw sefydliadau cefnogol.
Yn 2026, bydd Sir Gaerfyrddin yn cynnal Diwrnod Cenedlaethol Lluoedd Arfog Cymru ar 27 Mehefin ar Gae Saethyddiaeth ym Mharc Gwledig Pen-bre. Mae'r digwyddiad hwn, sy’n addas ar gyfer y teulu cyfan, yn gwahodd y cyhoedd i ddangos eu cefnogaeth i gymuned y Lluoedd Arfog.
Wedi'i gynllunio mewn cydweithrediad ag uwch-gynrychiolwyr o'r Fyddin, y Llynges a'r Awyrlu, bydd y diwrnod yn cynnig rhaglen lawn o weithgareddau. Gall ymwelwyr edrych ymlaen at amrywiaeth gyffrous o arddangosfeydd ac arddangosiadau milwrol.
Rydym yn annog ymwelwyr i archebu tocynnau ymlaen llaw i'n helpu i reoli'r digwyddiad, ond ni fyddwch yn cael eich gwrthod os byddwch yn mynychu ar y diwrnod heb docyn.
Mae mynediad i'r digwyddiad yn rhad ac am ddim. Sylwer, fodd bynnag, y bydd ffioedd parcio yn berthnasol ym Mharc Gwledig Pen-bre ar gyfer ymwelwyr nad ydynt yn ddeiliaid trwydded barcio flynyddol. Bydd talebau parcio yn cael eu rhoi i aelodau sy'n gwasanaethu o'r Lluoedd Arfog a chyn-filwyr.
Bydd gwasanaeth gwennol bws 16 sedd yn cael ei ddarparu am ddim gan Dolen Teifi a Links (elusen Iechyd Meddwl wedi'i lleoli yn Llanelli) i Ddiwrnod Cenedlaethol y Lluoedd Arfog Cymru ar 27 Mehefin 2026 ym Mharc Gwledig Pen-bre.
Bydd y gwasanaeth yn cychwyn o ganol tref Llanelli (arhosfan bws gyferbyn â Neuadd y Dref) am 10yb a phob awr ar ôl hynny (tan 3yp).
Bydd y gwasanaeth hefyd yn cael ei ddarparu o ganol tref Porth Tywyn (Sgwâr Neptune SA16 0EP) am 10:30yb a phob awr tan 3:30yp.
Bydd y gwasanaeth gwennol yn dychwelyd i Lanelli a Phorth Tywyn drwy gydol y dydd.
Cofiwch y bydd y gwasanaeth gwennol yn dod i ben ar ôl y seremoni gloi tua 4:30yp. Ni fydd gwasanaeth gwennol ar gyfer y perfformiadau gyda'r nos.
Ymunwch â ni am ddiwrnod llawn o ddathlu, cydnabyddiaeth ac ysbryd cymunedol yn un o’r digwyddiadau blynyddol yr edrychir ymlaen ato fwyaf yng Nghymru.
Be Sy’mlaen yn ystod y dydd
Ymunwch â ni am ddathliad bythgofiadwy o Ddiwrnod Lluoedd Arfog Cymru 2026 ym Mharc Gwledig trawiadol Pen-bre.
Paratowch i gael eich rhyfeddu gan arddangosfa barasiwt wefreiddiol, Atlas C.1 A400M yn hedfan heibio, parêd, adloniant trwy'r dydd ac amrywiaeth o arddangosfeydd cyffrous sy'n anrhydeddu ein lluoedd arfog.
Parcio
Mae mynediad i'r digwyddiad yn rhad ac am ddim. Sylwer, fodd bynnag, y bydd ffioedd parcio yn berthnasol ym Mharc Gwledig Pen-bre ar gyfer ymwelwyr nad ydynt yn ddeiliaid trwydded barcio flynyddol. Bydd talebau parcio yn cael eu rhoi i aelodau sy'n gwasanaethu o'r Lluoedd Arfog a chyn-filwyr.
Gwersylla
Mae Pen-bre yn darparu cyfleusterau gwersylla ar y safle felly mae'n lle perffaith i deuluoedd, cyn-filwyr ac ymwelwyr sy'n teithio o bob cwr o Gymru a thu hwnt i fwynhau penwythnos cofiadwy.
Cynghorir pobl i archebu'n gynnar ar gyfer gwersyllagan fod disgwyl y bydd galw mawr amdano yn ystod penwythnos y digwyddiad.
Cwestiynau Cyffredin
Mae'r adran hon wedi'i chynllunio i ddarparu gwybodaeth glir a defnyddiol i gynllunio'ch ymweliad, p'un a ydych chi'n mynychu fel gwestai, cyfranogwr, neu gefnogwr.
Mae'r digwyddiad hwn wedi’i gefnogi gan:
