Marina Porth Tywyn

Mae Marina Porth Tywyn yn farina llanwol gydag angorfeydd 200 gerllaw Parc Gwledig Pen-bre ac o fewn cyrraedd hawdd i Benrhyn Gŵyr. Mae Marina Porth Tywyn yn cynnig mordeithio ar hyd arfordir y de-orllewin Cymru trwy gydol y flwyddyn. 

Mae yna opsiynau i gadw’ch cwch yma trwy gydol y flwyddyn, gydag opsiynau angori amrywiol ar gael. Neu os ydych awydd aros dros nos, mae angorfeydd ar gyfer ymwelwyr ar gael. Mae gennym ni opsiynau ar gyfer angori tymhorol, sy’n cynnwys bob chwarter neu’n fisol, drwy’r haf a’r gaeaf.

Mae ein gwasanaethau’n cynnwys trydan, dŵr, cawodydd, ystafelloedd ymolchi, a maes parcio ar y safle gyda mynediad i ddwy lithrfa.

Ceir mynediad i’r marina drwy giât lanw sy’n weithredol am ddwy awr a hanner y naill ochr i’r llanw mawr uchel. Bydd amseroedd yn amrywio yn dibynnu ar y llanw. Dylid trin aber Cilfach Tywyn yn ofalus, ac ni ddylid dibynnu ar y newidiadau tywod a’r siartiau. Dylid mynd i mewn trwy sianel y de (gan gymryd gofal yn ardal y bar allanol a banc Lynch ac i osgoi banc West Hooper (i’r gogledd o’r sianel ganol) a banc Hooper (i’r de o’r sianel ganol), lle gall tonnau mawr ddatblygu yn y dŵr bas. (Mae’r dŵr bas yn ymestyn o tua G 51 038.05 Gn 004 19.10 i’r lan ogleddol.) Mae mynedfa’r marina yn syth tuag at y llifddor, gan ddilyn y bwiau sy’n cychwyn o gwmpas postyn baril yn safle 051:40.488G  004:15.005Gn.  O’r fan honno, mae’r fynedfa wedi’i nodi gan ddau fwi coch a tri bwi gwyrdd (wedi’u goleuo yn y nos). Mae’r dyfnder yn amrywiol. Os nad ydych yn sicr, ewch i mewn yn agos at y penllanw ac nid ar y llanw bach.

Mae gât y marina a’r mynediad iddo yn cael eu dangos a’u rheoli gan system olau. Mae tri golau coch yn golygu bod y giât i fyny ac ni ddylid mynd tuag ati. Mae dau olau gwyrdd yn fertigol dros olau gwyn yn nodi bod y giât i lawr a bod traffig dwyffordd yn gweithredu. Dylai cychod sy’n gadael y marina ildio i gychod eraill. Y dyfnder dros y sil yw dwy fetr a hanner ond fe’ch cynghorir i wirio’r fynedfa a’r dyfnder gyda swyddfa’r marina cyn mynd i mewn. Mae Porth Tywyn wedi’i nodi gan oleudy ar y morglawdd amddiffynnol gorllewinol (G 051 40.619 Gn 004 15.048). Ei nodweddion yw Fl 5s 6.5NM. 

Cyn cyrraedd, rhaid i bob cwch newydd drefnu ei yswiriant cwch a sicrhau ei fod ar gael i staff. Wrth gyrraedd, rhaid i berchnogion cychod newydd fynd i swyddfa’r marina i gwblhau eu contractau a darparu yswiriant cwch i gydymffurfio â’n telerau ac amodau.

Rhestr brisiau Burry Port Marina Ltd ar gyfer tymor 2025/2026

Angori blynyddol

1 Ebrill tan 31 Mai
Marina allanol blynyddol – ar sail taliad misol o £106.20/metr

1 Mehefin – 31 Mawrth
Marina allanol blynyddol – ar sail taliad misol o £132.75/metr

Taliad blynyddol ymlaen llaw
Yn flynyddol ymlaen llaw cyn 30 Ebrill – £110.63/metr
Yn flynyddol ymlaen llaw o 1 Mai – £119.48/metr

Angori yn yr haf

1 Ebrill i 30 Medi
Chwarterol yn yr haf – £41.74/metr
Yn fisol yn yr haf – £17.25/metr
Angorfa droi fisol yn yr haf – £27.00 cyfradd safonol

Angori yn y gaeaf

Angori i ymwelwyr

Taliadau llithrfa

Cysylltu â ni