Cyrraedd Sir Gaerfyrddin
Hawdd Cyrraedd, anodd gadael.....
Cyrraedd a Theithio Sir Gaerfyrddin
Ffyrdd
Mae cysylltiadau ffyrdd ardderchog yn Sir Gaerfyrddin. Gallwch yrru ar hyd yr M4 o Lundain i Bont Abraham mewn llai na 4 awr a thaith fer yn unig sydd wedyn ar hyd yr A48 i Gaerfyrddin. Mae'r A40 yn croesi'r sir o Lanymddyfri i Hendy-gwyn. Mae'n hawdd cyrraedd yr M5, M6, M42 a'r M50 o Sir Gaerfyrddin. Mae'n daith hwylus o bob rhan o Brydain.
Pwyntiau gwefru cerbydau trydan
Mae pwyntiau gwefru cerbydau trydan sydd ar gael i'r cyhoedd yn cael eu darparu gan Gyngor Sir Caerfyrddin.
Mae pwyntiau gwefru cerbydau trydan mewn meysydd parcio canolog i ganiatáu i ddefnyddwyr ymweld â busnesau ac atyniadau lleol wrth wefru eu ceir.
Mae mwy o bwyntiau gwefru yn Sir Gaerfyrddin i'w gweld ar-lein i'ch helpu i gynllunio a dod o hyd i'ch pwynt gwefru agosaf. Chwiliwch Sir Gaerfyrddin ar y map defnyddiol hwn o bwyntiau gwefru.
Teithio ar Goets a Bws
Mae'r systemau trafnidiaeth gyhoeddus yn ôl ac ymlaen i Sir Gaerfyrddin yn ardderchog. Mae National Express yn cynnig cysylltiadau gwych i'r holl brif drefi a dinasoedd ac wedi cyrraedd y sir, mae rhwydwaith bysiau helaeth yn gwasanaethu'r ardal gyfan.
Tocyn Crwydro Gorllewin Cymru
Amserlenni Gwasanaethau Bysiau Lleol
Teithio ar drên
Mae gwasanaethau cyflym ac aml yn cysylltu â Gorsaf Paddington, Llundain (3 awr) a gwasanaethau rheolaidd i Fanceinion. Mae teithio yma ar drên yn rhwydd.
Mae Rheilffordd Calon Cymru
Yn ymestyn am 120 o filltiroedd o Abertawe i Amwythig heibio i rai o olygfeydd mwyaf trawiadol Cymru. Mae'r lein yn mynd trwy ddwyrain y sir trwy Rydaman, Llandybïe, Llandeilo, Llangadog, Llanwrda, Llanymddyfri, Cynghordy ac ymlaen i Bowys.
Mewn cwch
Hwylio o Ddoc Penfro ac Abergwaun i Rosslare. I gael manylion am brisiau ac amserau hwylio cysylltwch â'r canlynol:
Irish Ferries Pembroke - irishferries.com
Stena Sealink - stenaline.co.uk
Hedfan
Ychydig dros awr yn unig yw'r daith o Sir Gaerfyrddin i faes awyr rhyngwladol Caerdydd.
Maes Awyr Rhyngwladol Caerdydd - cardiff-airport.com