Rhywbeth Hen, Rhywbeth Newydd: Stori Cariad Sir Gâr

Castell Llansteffan - Lle mae Rhamant a Hanes yn Cwrdd

Os am deimlo gwir ysbryd Sir Gâr, prin yw'r llefydd cystal â Chastell Llansteffan, y gaer ganoloesol uwchlaw ehangder Bae Caerfyrddin.

Ymysg adfeilion y welydd cerrig a'r iorwg ceir rhai o'r golygfeydd mwyaf godidog yng Nghymru. Boed yn noson euraid o haf neu'n ddiwrnod rhynllyd ganol gaeaf, mae naws dragwyddol y castell yn golygu bod hanes a rhamant yn perthyn i bob eiliad.

Mae Llansteffan yn lleoliad dramatig lle mae harddwch yr arfordir a swyn yr oesoedd canol yn uno mewn man bythgofiadwy ar gyfer eich stori serch.  unforgettable setting for your love story.

Llawn Llenyddiaeth yn Nhalacharn

Mae tref Talacharn yn cynnig math gwahanol o ramant, yma gallwch weld cerdd serch go iawn yng Nghartref Dylan Thomas. Dyma le roedd bardd enwocaf Cymru yn byw, yn ysgrifennu, ac yn syrthio mewn cariad â'r olygfa. 

Gyda golygfa o'r aber, swyn hiraethus, a gwreiddiau diwylliannol dwfn, mae'n lleoliad perffaith i gyplau creadigol ac i gael llonydd. Gan edrych dros yr aber tawel ac yn llawn treftadaeth, mae bellach yn cynnig cyfle i gyplau wneud addunedau mewn man lle mae pob golwg wedi ysbrydoli pennill. 

I'r rheiny sy'n dwlu ar lenyddiaeth a rhamant, dyma'r lleoliad perffaith i chi. 

The Lake House yn Sylen Lakes

Wedi'i leoli wrth ymyl llynnoedd preifat tawel, mae'r Lake House yn ddelfrydol ar gyfer priodasau chwaethus mewn tymor llai prysur, seremonïau gaeafol, neu ddathliadau clud yng nghanol natur.

Fel lleoliad priodas a bwyty, mae'n cael ei arwain gan dîm angerddol sy'n adnabyddus am greu profiadau bythgofiadwy ers 2013.

P'un a ydych chi'n cynllunio cyfnewid addunedau tawel ar lan y llyn, mwynhau'r gaeaf mewn lle rhamantus, neu dreulio amser gyda ffrindiau agos a theulu, mae'r guddfan dawel hon yn cynnig preifatrwydd, harddwch a swyn trwy gydol y flwyddyn. 

Green Grove Barns

Wedi'i agor yn 2025 ger Llanymddyfri a Pharc Cenedlaethol Bannau Brycheiniog (Bannau Brycheiniog),mae Green Grove Barns yn lleoliad hyfryd sydd wedi'i adnewyddu ac yn cyfleu'n berffaith swyn cefn gwlad enwog y sir. Mae yma hefyd gyfuniad o'r elfennau traddodiadol a'r elfennau cyfoes. Mae'r ysguboriau cain wedi'u hamgylchynu gan fryniau, coetiroedd, a lliw tymhorol ac mae'n le hyfryd i gael tawelwch a phriodas unigryw. 

Yn lle deniadol yn yr Hydref/Gaeaf, mae Green Grove Barns yn cynnig y cyfuniad hudolus hwnnw o gynhesrwydd, agosatrwydd a golygfeydd godidog o gefn gwlad sy'n berffaith ar gyfer cyplau sy'n chwilio am brofiad Cymreig clyd, gyda phreifatrwydd modern.