Sir Gâr yn dathlu Dydd Gŵyl Dewi

Fel arfer, mae Dydd Gŵyl Dewi yn ddiwrnod llawn gorymdeithiau, cyngherddau ac eisteddfodau ac mae plant yn mynd i'r ysgol mewn gwisg draddodiadol Gymreig, ac mae pawb yn gwisgo cenhinen neu genhinen bedr ar eu llabed.

Dewi Sant: hanes cryno

Dewi Sant oedd y ffigwr mwyaf yn Oes Seintiau Cymru yn y 6ed ganrif, sylfaenydd llu o gymunedau crefyddol ac fe yw'r unig nawddsant brodorol o wledydd Prydain ac Iwerddon.
Bu farw Dewi Sant ar 1 Mawrth – Dydd Gŵyl Dewi – ym 589. Cafodd ei ganoneiddio gan y Pab Callixtus yn y 12fed ganrif, ac rydym wedi dathlu Dydd Gŵyl byth ers hynny.

Syniadau ar gyfer dathlu Dydd Gŵyl Dewi

Gwnewch y pethau bychain

Dilynwch eiriau Dewi Sant ei hun: gwnewch y pethau bychain. Pa ffordd well o ddathlu na dod â'r geiriau hynny'n fyw gyda hwyl a charedigrwydd. Ewch ati i ddathlu Dydd Gŵyl Dewi drwy wneud y pethau bychain.

Gwylio Sir Gâr yn gwneud y Pethau Bychain

Beth am gael cystadleuaeth pobi pice ar y maen?

Dathlwch Ddydd Gŵyl Dewi drwy weld pwy all bobi'r Pice ar y maen a'r Bara Brith cartref gorau. Neu ewch ati i goginio pryd Cymreig traddodiadol megis Cawl neu selsig Morgannwg pan fyddwch yn cyrraedd adref. Darganfyddwch y llefydd bwyta mwyaf blasus sy'n gweini

O Gawl i Gawl Sir Gâr

Brenin neu frenhines y castell

Mae Cymru yn llawn cestyll ac yn Sir Gâr yn unig mae gennym 9 castell bendigedig ar draws ein tirwedd. P'un a ydych chi'n chwilio am antur, neu'r llecyn delfrydol i fwynhau eich picnic, mae gennym ddetholiad o gestyll trawiadol ar eich cyfer.

Cestyll a Phlastai Hanesyddol

Mynd i ddigwyddiad

Bydd rhywbeth at ddant pawb ar Ddydd Gŵyl Dewi gan gynnwys Gorymdeithiau Dydd Gŵyl Dewi, Gwyliau Bwyd a Chorau Meibion.

Dathliadau Dydd Gŵyl Dewi